O home que nunca pensara

O outro día atopeime na rúa cun antigo compañeiro de estudos, logo de trinta anos sen vermonos. Díxome que estaba a pasalo moi malamente desque o xubilaron anticipadamente no banco. Non aturaba o asunto ese de pensar, de darlle voltas ás cousas na cabeza. Debutou no bucle e a muller levouno ao psiquiatra. Convideino a unha cunca pero como estaba a tomar antidepresivos e benzodiazepinas non puido beber mais ca auga. Un pouco por curiosidade e un moito por educación pregunteille desde cando empezara a remoer. Foi entón cando me confesou que non lembraba ter pensado nunca en nada. Pola mañá madrugaba para facer unha xornada intensiva que lle permitía ir invariablemente tódalas tardes á Solana, logo dunha comida suculenta e unha sesta reparadora. No clube facía tódolos día as mesmas rotinas do carallo, nos mesmos aparellos, nas mesmas instalacións. De camiño á casa, para cear coa muller, repostaba nunha taberna da praza do humor. A medianoite, o soño vencía á parella fronte ao televisor do dormitorio grazas á función de autoapagado.

O habano de temas dos que podía falar o meu ex compañeiro con ocasión de encontros sociais viña dado polo relatorio do que xa entregaba masticado o xornal, como dogma de fe. Nunca agromara nel a necesidade de porfiar coa realidade dos feitos consumados nin tampouco de pensar nalgunha cousa fora dá constatación, empírica, do lugar que ocupaba non seu universo particular. Agora, a disposición de tempo a esgalla e a falta absoluta de inquietudes enfrontáno a un escenario para él novo, desconcertante. Un reto formidable que pasaba primeiro por vencer o medo a coñecer algo de si mesmo e, por que non, dos demais, dos que estiveran aí, formando parte do teatro do seu mundo e cos que non mantivera mais ca fórmulas de cortesía, baleiras de contido, durante toda a súa vida. Afortunadamente, un aneurisma agravado polo descontrol dás súas emocións librouno para sempre de ter que iniciar unha aprendizaxe, asistida por drogas legais, que lle inspiraba unha preguiza insuperable.

 

 

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

This site uses Akismet to reduce spam. Learn how your comment data is processed.